Gürcüstanın İnzibati Xətalar Məcəlləsinə dəyişiklik

Gürcüstanın İnzibati Xətalar Məcəlləsinə dəyişiklik edilməsi haqqında

GÜRCÜSTAN QANUNU

Gürcüstanın İnzibati Xətalar Məcəlləsinə dəyişiklik edilməsi haqqında

Maddə 1

Gürcüstanın İnzibati Xətalar Məcəlləsinə (Gürcüstan SSR Ali Sovetinin Xəbərləri, №12, 1984-cü il, maddə 421) aşağıdakı dəyişikliklər edilsin:

1. 103-cü maddə aşağıdakı redaksiyada verilsin:

“Maddə 103. “Ev heyvanları haqqında” Gürcüstan Qanunu və Gürcüstanın digər qanunvericilik və qanunqüvvəli normativ aktları ilə müəyyən edilmiş ev heyvanının rifahı və qulluq-saxlanma tələblərinin pozulması

1. Ev heyvanlarına qulluq-saxlanma və onların saxlanılması qaydalarının pozulması, bu maddənin 2–10-cu hissələrində nəzərdə tutulan əməlləri əhatə etmədikdə, – şəxsin 500 lari məbləğində cərimə edilməsinə səbəb olur.

2. Ev heyvanının quduzluğa qarşı vaksinasiyasının Gürcüstan qanunvericiliyi ilə müəyyən edilmiş qaydada həyata keçirilməsi öhdəliyinin pozulması – ev heyvanı sahibinin 500 lari məbləğində cərimə edilməsinə səbəb olur.

3. Nəzarətsiz/sahibsiz/himayəyə götürülmüş ev heyvanının sterilizasiya/kastrasiya, vaksinasiya və ya quduzluğa müşahidə məqsədilə aparılması zamanı bələdiyyənin səlahiyyətli orqanına mane olmaq – şəxsin 500 lari məbləğində cərimə edilməsinə səbəb olur.

4. Ev heyvanının identifikasiya-qeydiyyatına dair Gürcüstan qanunvericiliyi ilə müəyyən edilmiş tələblərin pozulması – şəxsin 1 500 lari məbləğində cərimə edilməsinə səbəb olur.

5. Ev heyvanının sterilizasiya/kastrasiya tələbinin pozulması – ev heyvanı sahibinin 1 500 lari məbləğində cərimə edilməsinə səbəb olur.

6. Ev heyvanı sahibi tərəfindən bələdiyyənin səlahiyyətli orqanının verdiyi razılıq olmadan ev heyvanının çoxaldılması – ev heyvanı sahibinin 3 000 lari məbləğində cərimə edilməsinə səbəb olur.

7. Ev heyvanının tərk edilməsinin qadağan olunmasına dair tələblərin pozulması – ev heyvanının sahibi olan fiziki şəxsin 5 000 lari, ev heyvanının sahibi olan hüquqi şəxsin isə 10 000 lari məbləğində cərimə edilməsinə səbəb olur.

8. Ev heyvanlarının yığılıb saxlanılması – heyvanların müsadirəsinə səbəb olur.

9. Ev heyvanlarının döyüşdürülməsi üçün yer verilməsi – fiziki şəxsin 25 000 lari məbləğində cərimə edilməsinə və heyvanın müsadirəsinə, hüquqi şəxsin isə 30 000 lari məbləğində cərimə edilməsinə və heyvanın müsadirəsinə səbəb olur.

10. Ev heyvanlarının döyüşlərinin təşkili və/və ya keçirilməsi, bu maddənin 9-cu hissəsində nəzərdə tutulan əməli əhatə etmədikdə, – fiziki şəxsin 30 000 lari məbləğində cərimə edilməsinə və heyvanın müsadirəsinə, hüquqi şəxsin isə 35 000 lari məbləğində cərimə edilməsinə və heyvanın müsadirəsinə səbəb olur.”

2. Məcəlləyə aşağıdakı məzmunda 103²–103⁴-cü maddələr əlavə edilsin:

“Maddə 103². Ev heyvanının hərəkət etdirilməsi tələblərinin pozulması

1. “Ev heyvanları haqqında” Gürcüstan Qanununda nəzərdə tutulmuş istisnalar xaricində ev heyvanının erkən və məktəbəqədər tərbiyə və təhsil, ümumi təhsil, ali təhsil və peşə təhsili müəssisələrinin binalarına və xəstəxanaya daxil edilməsi – şəxsin 50 lari məbləğində cərimə edilməsinə səbəb olur.

2. İtin ictimai toplaşma yerlərində, o cümlədən bulvarda, parkda və ya skverdə, xüsusi ayrılmış yerlər istisna olmaqla, qayış və ya ağızlıq olmadan gəzdirilməsi – şəxsin 150 lari məbləğində cərimə edilməsinə səbəb olur.

3. Gürcüstan qanunvericiliyi ilə müəyyən edilmiş ictimai nəqliyyatda ev heyvanı ilə birlikdə qayış və ya ağızlıq olmadan, pişik və kiçik ölçülü it olduqda isə qayış və ya ağızlıq, yaxud qucaqda saxlama və ya xüsusi daşıyıcı (konteyner, çanta) olmadan səyahət etmək – şəxsin 150 lari məbləğində cərimə edilməsinə səbəb olur.

Maddə 103³. “Ev heyvanları haqqında” Gürcüstan Qanunu ilə müəyyən edilmiş ev heyvanlarının yetişdirilməsi tələblərinin pozulması

1. Ev heyvanları yetişdirmə müəssisəsi tərəfindən ev heyvanının “Ev heyvanları haqqında” Gürcüstan Qanunu ilə müəyyən edilmiş qaydaları pozmaqla yetişdirilməsi, bu maddənin 2-ci hissəsində nəzərdə tutulan əməli əhatə etmədikdə, – şəxsin 1 000 lari məbləğində cərimə edilməsinə səbəb olur.

2. Ev heyvanları yetişdirmə müəssisəsi tərəfindən ev heyvanının “Ev heyvanları haqqında” Gürcüstan Qanunu ilə müəyyən edilmiş qeydiyyat olmadan yetişdirilməsi – şəxsin 5 000 lari məbləğində cərimə edilməsinə səbəb olur.

3. Gürcüstan hökuməti tərəfindən elan edilmiş itlərin yetişdirilməsinə dair moratoriumun pozulması – şəxsin 10 000 lari məbləğində cərimə edilməsinə səbəb olur.

Maddə 103⁴. “Ev heyvanları haqqında” Gürcüstan Qanunu ilə müəyyən edilmiş ev heyvanlarının idarə olunması sahəsində fəaliyyət göstərən subyektlər tərəfindən Gürcüstan qanunvericiliyi ilə müəyyən edilmiş tələblərin pozulması

1. Ev heyvanlarının idarə olunması sahəsində fəaliyyət göstərən subyektlər tərəfindən ev heyvanlarına qulluq-saxlanma və onların saxlanılması qaydalarının pozulması, bu maddənin 3-cü hissəsində nəzərdə tutulan əməli əhatə etmədikdə, – 500 lari məbləğində cəriməyə səbəb olur.

2. Ev heyvanları üçün özəl sığınacaq, ev heyvanları yetişdirmə müəssisəsi və baytarlıq müəssisəsi tərəfindən ev heyvanının identifikasiya-qeydiyyat tələblərinin pozulması – 3 000 lari məbləğində cəriməyə səbəb olur.

3. Ev heyvanının Gürcüstan qanunvericiliyi ilə müəyyən edilmiş tələblər pozulmaqla evtanaziyası – ev heyvanının evtanaziyasını həyata keçirən şəxsin 3 000 lari məbləğində cərimə edilməsinə səbəb olur.”

3. 148-ci maddənin 3-cü və 4-cü hissələri aşağıdakı redaksiyada verilsin:

“3. Özünüidarə edən şəhərin nümayəndəli orqanı tərəfindən müəyyən edilmiş qaydaları pozmaqla özünüidarə edən şəhərin inzibati sərhədləri daxilində xırdabuynuzlu və/və ya iribuynuzlu mal-qaranın nəzarət altında və ya nəzarətsiz saxlanılması, xırdabuynuzlu və/və ya iribuynuzlu mal-qara sahibinin mülkiyyətində və/və ya istifadəsində olan kənd təsərrüfatı təyinatlı torpaq sahəsi istisna olmaqla, – xırdabuynuzlu və/və ya iribuynuzlu mal-qara sahibinin 250 lari məbləğində cərimə edilməsinə səbəb olur.

4. Bulvarda, parkda, skverdə və ya çimərlikdə xırdabuynuzlu və/və ya iribuynuzlu mal-qaranın nəzarət altında və ya nəzarətsiz saxlanılması – xırdabuynuzlu və/və ya iribuynuzlu mal-qara sahibinin 500 lari məbləğində cərimə edilməsinə səbəb olur.”

4. 151-ci maddənin 3-cü hissəsi aşağıdakı redaksiyada verilsin:

“3. Bələdiyyənin inzibati sərhədlərində yerləşən bulvarda, parkda və ya skverdə ev heyvanı tərəfindən yaşıllıqların zədələnməsi və/və ya məhv edilməsi – ev heyvanı sahibinin 500 lari məbləğində cərimə edilməsinə səbəb olur.”

5. 209³-cü maddədə:

a) birinci hissə aşağıdakı redaksiyada verilsin:

“1. Bu Məcəllənin 46⁵, 46⁶, 55², 55⁵, 55⁶ və 77¹-ci maddələri, 82⁵-ci maddəsi (plastik və bioloji parçalana bilən paketlərin realizasiyası hissəsində), 103, 103² və 103³-cü maddələri, 103⁴-cü maddənin birinci və 2-ci hissələri, 107²–107⁴-cü maddələri, 114²-ci maddənin 6-cı hissəsi, 125-ci maddənin 8-ci və 12–16-cı hissələri, 125²–125⁴-cü maddələri, 130-cu maddənin 4-cü hissəsinin “a” yarımbəndi, 134¹, 135–135⁵, 146¹, 148 və 150–150³-cü maddələri, 151-ci maddənin 3-cü hissəsi, 151¹, 151², 152 və 152²–152⁹-cu maddələri, 153³-cü maddənin birinci, 3-cü və 4-cü hissələri, 153⁴-cü maddə, 153⁶-cı maddənin birinci, 3-cü və 4-cü hissələri, 153⁹, 156², 156⁴, 158³ və 158⁴-cü maddələri, 158⁵-ci maddənin birinci və 2-ci hissələri, 159 və 159¹-ci maddələri, 166²-ci maddənin birinci hissəsi, 172⁸ və 172⁹-cu maddələri və 172¹⁰-cu maddənin birinci və 2-ci hissələri ilə nəzərdə tutulmuş inzibati xəta işlərinə, bu Məcəllənin 290⁶-cı maddəsi nəzərə alınmaqla, bələdiyyənin nümayəndəli orqanı tərəfindən müəyyən edilmiş bələdiyyə meriyasının struktur bölməsi və ya bələdiyyənin nümayəndəli orqanı tərəfindən səlahiyyət verilmiş fiziki və ya hüquqi şəxs baxır.”

b) 3-cü və 4-cü hissələr aşağıdakı redaksiyada verilsin:

“3. Bu Məcəllənin 55², 55⁵, 55⁶, 64², 77¹, 103, 103² və 103³-cü maddələri, 103⁴-cü maddənin birinci və 2-ci hissələri, 130-cu maddənin 4-cü hissəsinin “a” yarımbəndi, 134¹, 135–135⁵, 148 və 150¹–150³-cü maddələri, 151-ci maddənin 3-cü hissəsi, 151¹, 151², 152, 152²–152⁹, 153⁴, 153⁹, 156², 156⁴, 158³ və 158⁴-cü maddələri, 158⁵-ci maddənin birinci və 2-ci hissələri, 159 və 159¹-ci maddələri və 172¹⁰-cu maddənin birinci və 2-ci hissələri ilə nəzərdə tutulmuş inzibati xəta törədilərkən hüquqpozanın identifikasiyası və ya digər faktiki halların müəyyən edilməsi üçün inzibati icraatın aparılmasına ehtiyac yoxdursa, bələdiyyənin nümayəndəli orqanı tərəfindən müəyyən edilmiş bələdiyyə meriyasının struktur bölməsi və ya bələdiyyənin nümayəndəli orqanı tərəfindən səlahiyyət verilmiş fiziki və ya hüquqi şəxs, bu Məcəllənin 290⁶-cı maddəsi nəzərə alınmaqla, inzibati xəta işinə yerində baxır və hüquqpozana yerindəcə inzibati tənbeh (cərimə) tətbiq edir.

4. Bu Məcəllənin 55², 55⁵, 55⁶, 64², 77¹, 103, 103² və 103³-cü maddələri, 103⁴-cü maddənin birinci və 2-ci hissələri, 107⁴-cü maddə, 114²-ci maddənin 6-cı hissəsi, 125-ci maddənin 8-ci və 12–16-cı hissələri, 125²-ci maddə, 125³-cü maddənin 4–5¹-ci hissələri, 125⁴-cü maddə, 130-cu maddənin 4-cü hissəsinin “a” yarımbəndi, 134¹, 135–135⁵, 146¹, 148 və 150¹–150³-cü maddələri, 151-ci maddənin 3-cü hissəsi, 151¹, 151², 152 və 152²–152⁹-cu maddələri, 153³-cü maddənin birinci, 3-cü və 4-cü hissələri, 153⁴-cü maddə, 153⁶-cı maddənin birinci, 3-cü və 4-cü hissələri, 153⁹, 158³ və 158⁴-cü maddələri, 158⁵-ci maddənin birinci və 2-ci hissələri, 159 və 159¹-ci maddələri və 172¹⁰-cu maddənin birinci və 2-ci hissələri ilə nəzərdə tutulmuş inzibati xətanın törədilməsinə görə tətbiq edilmiş inzibati tənbehə (cəriməyə) yuxarı orqana (vəzifəli şəxsə) şikayət verildikdə, şikayətə bu Məcəllənin 290⁶-cı maddəsi nəzərə alınmaqla bələdiyyənin nümayəndəli orqanı tərəfindən müəyyən edilmiş bələdiyyə meriyasının struktur bölməsi və ya bələdiyyənin nümayəndəli orqanı tərəfindən səlahiyyət verilmiş şəxs baxır və qərar qəbul edir.”

6. 223-cü maddənin birinci hissəsi aşağıdakı redaksiyada verilsin:

“1. Gürcüstanın Ətraf Mühitin Mühafizəsi və Kənd Təsərrüfatı Nazirliyinin dövlət nəzarətinə tabe olan publik hüquqi şəxs – Milli Qida Agentliyinin səlahiyyətli şəxsləri bu Məcəllənin 103³, 103⁴ və 179⁶–179⁹-cu maddələri ilə nəzərdə tutulmuş inzibati xəta işlərinə baxırlar.”

7. 240¹-ci maddənin birinci hissəsi aşağıdakı redaksiyada verilsin:

“1. Bu Məcəllənin 46⁵, 46⁶, 103, 103² və 103³-cü maddələri, 103⁴-cü maddənin birinci və 2-ci hissələri, 107⁴-cü maddə, 114²-ci maddənin 6-cı hissəsi, 125-ci maddənin 8-ci və 12–16-cı hissələri, 125²-ci maddə, 125³-cü maddənin 4–5¹-ci hissələri, 125⁴-cü maddə, 130-cu maddənin 4-cü hissəsinin “a” yarımbəndi, 134–135⁵-ci maddələri, 148-ci maddənin 3-cü və 4-cü hissələri, 151-ci maddənin 3-cü hissəsi, 152, 152³, 153³, 153⁶, 158⁴, 159¹, 172⁸ və 172⁹-cu maddələri və 172¹⁰-cu maddənin birinci və 2-ci hissələri ilə nəzərdə tutulmuş inzibati xətanın bələdiyyənin səlahiyyətlərinə aid sahədə törədilməsi halında müvafiq inzibati xəta protokolunun məzmununu və tərtib edilməsi qaydasını bələdiyyənin nümayəndəli orqanı müəyyən edir.”

8. 242-ci maddədə:

a) birinci hissə aşağıdakı redaksiyada verilsin:

“1. Bu Məcəllənin 44², 44³, 44⁵ və 44⁷–44¹¹-ci maddələri ilə (inzibati tənbeh elektron formada tətbiq edildikdə), 44¹², 103³ və 103⁴-cü maddələri, 106-cı maddənin 5-ci hissəsi, 107-ci maddənin 2-ci və 3-cü hissələri, 112, 114 və 115-ci maddələri, 128-ci maddənin 3-cü hissəsi, 129-cu maddə, 130-cu maddə (130-cu maddənin 4-cü hissəsinin “a” yarımbəndində nəzərdə tutulmuş hallar istisna olmaqla) və 179⁶–179⁹-cu maddələri ilə nəzərdə tutulmuş inzibati xəta törədildikdə, habelə Gürcüstan qanunvericiliyinə uyğun olaraq hüquqpozanın cərimələndiyi və cərimənin ondan tutulduğu, xəbərdarlığın isə inzibati xətanın törədildiyi yerdə rəsmiləşdirildiyi digər hallarda inzibati xəta protokolu tərtib edilmir.”

b) 3-cü hissə aşağıdakı redaksiyada verilsin:

“3. Hüquqpozan bu maddənin birinci hissəsində müəyyən edilmiş inzibati xətanın törədilməsinə görə tətbiq edilmiş inzibati tənbehlə razılaşmadıqda inzibati xəta protokolu tərtib olunur; onun bu Məcəllənin 44¹², 103³, 103⁴ və 179⁶–179⁹-cu maddələri ilə nəzərdə tutulmuş inzibati xətaları törətməsi, habelə bu Məcəllənin 44², 44³, 44⁵ və 44⁷–44¹¹-ci maddələri ilə nəzərdə tutulan hallarda ona elektron cərimə qəbzinin yazılması istisnadır.”

c) 3²-ci hissə aşağıdakı redaksiyada verilsin:

“3². Bu Məcəllənin 103³, 103⁴ və 179⁶–179⁹-cu maddələri ilə nəzərdə tutulmuş inzibati xəta törədildikdə Gürcüstanın Ətraf Mühitin Mühafizəsi və Kənd Təsərrüfatı Nazirliyinin dövlət nəzarətinə tabe olan publik hüquqi şəxs – Milli Qida Agentliyinin səlahiyyətli şəxsi hüquqpozana eyni zamanda inzibati xəta protokolu hesab edilən cərimə qəbzi yazır.”

d) 5-ci hissə aşağıdakı redaksiyada verilsin:

“5. Bu Məcəllənin 103, 103² və 103³-cü maddələri, 103⁴-cü maddənin birinci və 2-ci hissələri, 125-ci maddənin 8-ci və 12–16-cı hissələri, 125²-ci maddə, 130-cu maddənin 4-cü hissəsinin “a” yarımbəndi, 134–135⁵-ci maddələri, 148-ci maddənin 3-cü və 4-cü hissələri, 151-ci maddənin 3-cü hissəsi və 209³-cü maddənin 2-ci hissəsi ilə nəzərdə tutulmuş inzibati xəta törədildikdə cərimə yerində ödənilmir və hüquqpozana yerindəcə cərimə qəbzi – inzibati xəta protokolu yazılır; bu protokol diyircəkli qələmlə və/və ya elektron formada doldurulur.”

9. 243-cü maddənin 2²-ci hissəsi aşağıdakı redaksiyada verilsin:

“2². Bu Məcəllənin 103, 103² və 103³-cü maddələri, 103⁴-cü maddənin birinci və 2-ci hissələri, 130-cu maddənin 4-cü hissəsinin “a” yarımbəndi, 148-ci maddənin 3-cü və 4-cü hissələri və 151-ci maddənin 3-cü hissəsi ilə nəzərdə tutulmuş inzibati xətanın törədilməsinə görə hüquqpozan səlahiyyətli şəxs tərəfindən polisə aparıla bilər, əgər hüquqpozanın şəxsiyyətini təsdiq edən sənədləri yoxdursa və onun haqqında zəruri məlumat verə biləcək şahidlər yoxdursa və/və ya müvafiq şəxsin Gürcüstan Ədliyyə Nazirliyinin idarəetmə sahəsində fəaliyyət göstərən publik hüquqi şəxs – Dövlət Xidmətlərinin İnkişafı Agentliyinin elektron məlumat bazasında identifikasiya edilməsi imkanı yoxdursa.”

10. 262-ci maddənin 2-ci hissəsi aşağıdakı redaksiyada verilsin:

“2. Bu Məcəllənin 171 və 175²-ci maddələri ilə nəzərdə tutulmuş inzibati xəta işlərinə 1 sutka müddətində, bu Məcəllənin 116-cı maddəsinin 3-cü, 5-ci, 6-cı, 8-ci və 9-cu hissələri, 142 və 154-cü maddələri, 174¹-ci maddənin 3-cü, 4-cü, 6-cı, 8-ci və 9-cu hissələri və 174²-ci maddə ilə nəzərdə tutulmuş inzibati xəta işlərinə 3 gün müddətində, bu Məcəllənin 50¹, 51¹, 51³, 53³, 55, 55², 55³, 55⁵, 55⁶, 58², 59², 61 və 80-ci maddələri, 86-cı maddənin 9-cu və 10-cu hissələri, 88, 91², 92¹, 94, 95, 96¹, 96², 96⁴, 99, 100¹, 100², 103, 103² və 103³-cü maddələri, 103⁴-cü maddənin birinci və 2-ci hissələri, 104, 105¹, 107¹, 141, 143–144¹, 144³–144⁵, 144¹⁰, 145, 146¹, 148–150¹, 151¹, 152, 152²–152⁹, 153, 154¹, 154², 156–158¹, 159, 159⁵–159⁹, 163, 164, 166¹, 167, 170, 174 və 175-ci maddələri, 177-ci maddənin 4-cü, 5-ci, 8-ci, 12-ci və 13-cü hissələri, 177¹-ci maddə, 177¹³-cü maddə (yalnız bu Məcəllənin 245-ci maddəsinin 4¹-ci hissəsində nəzərdə tutulmuş halda) və 179¹, 180–183¹, 185–185², 187, 187¹, 189, 192, 195, 196³, 196⁶ və 197¹-ci maddələri ilə nəzərdə tutulmuş inzibati xəta işlərinə isə 7 gün müddətində baxılır.”

11. 290⁶-cı maddənin 3-cü hissəsi aşağıdakı redaksiyada verilsin:

“3. Bu Məcəllənin 103, 103² və 103³-cü maddələri, 103⁴-cü maddənin birinci və 2-ci hissələri, 148-ci maddənin 3-cü və 4-cü hissələri və 151-ci maddənin 3-cü hissəsində nəzərdə tutulmuş hər hansı inzibati xəta üzrə icraatın bələdiyyənin nümayəndəli orqanı tərəfindən müəyyən edilmiş bələdiyyə meriyasının struktur bölməsi və ya bələdiyyə tərəfindən təsis edilmiş hüquqi şəxs tərəfindən həyata keçirilməsi məqsədilə publik hüquqi şəxs – Dövlət Xidmətlərinin İnkişafı Agentliyi bələdiyyənin nümayəndəli orqanı tərəfindən müəyyən edilmiş bələdiyyə meriyasının struktur bölməsinə və ya bələdiyyə tərəfindən təsis edilmiş hüquqi şəxsə Dövlət Xidmətlərinin İnkişafı Agentliyinin məlumat bazasından hüquqpozanın identifikasiyası üçün zəruri olan fərdi məlumatları təqdim etmək səlahiyyətinə malikdir.

Bu məlumatın bələdiyyənin nümayəndəli orqanı tərəfindən müəyyən edilmiş bələdiyyə meriyasının struktur bölməsi və ya bələdiyyə tərəfindən təsis edilmiş hüquqi şəxs tərəfindən başqasına verilməsi və ya başqa formada paylaşılması yolverilməzdir.”

Maddə 2

1. Bu Qanun, bu Qanunun 1-ci maddəsinin 1-ci hissəsində nəzərdə tutulmuş 103-cü maddənin 1–8-ci hissələri və 1-ci maddənin 2-ci hissəsi istisna olmaqla, dərc edildiyi andan qüvvəyə minir.

2. Bu Qanunun 1-ci maddəsinin 1-ci hissəsində nəzərdə tutulmuş 103-cü maddənin 1-ci və 8-ci hissələri və 1-ci maddənin 2-ci hissəsində nəzərdə tutulmuş 103²-ci maddə 1 iyul 2026-cı ildən qüvvəyə minir.

3. Bu Qanunun 1-ci maddəsinin 1-ci hissəsində nəzərdə tutulmuş 103-cü maddənin 2–7-ci hissələri və 1-ci maddənin 2-ci hissəsində nəzərdə tutulmuş 103³ və 103⁴-cü maddələr 1 yanvar 2027-ci ildən qüvvəyə minir.

Gürcüstan Prezidenti

Mixeil Kavelaşvili

Tbilisi, 2 iyul 2025-ci il

№907-IIIრს-XIმპ