Xaricdə vəfat etmiş Gürcüstan vətəndaşlarının Gürcüstana gətirilməsi xərclərinin ödənilməsi qaydasının təsdiq edilməsi haqqında

GÜRCÜSTAN HÖKUMƏTİNİN

158 saylı QƏRARI

26 mart 2019-cu il

Tbilisi şəhəri

“Xaricdə vəfat etmiş Gürcüstan vətəndaşlarının Gürcüstana gətirilməsi

xərclərinin ödənilməsi qaydasının təsdiq edilməsi haqqında” Gürcüstan

Hökumətinin 2016-cı il 18 iyul tarixli №330 saylı qərarına dəyişiklik

edilməsi haqqında

Maddə 1

“Normativ aktlar haqqında” Gürcüstan Orqanik Qanununun 20-ci maddəsinin 4-cü

bəndinə uyğun olaraq, “Xaricdə vəfat etmiş Gürcüstan vətəndaşlarının Gürcüstana

gətirilməsi xərclərinin ödənilməsi qaydasının təsdiq edilməsi haqqında” Gürcüstan

Hökumətinin 2016-cı il 18 iyul tarixli №330 saylı qərarına (www.matsne.gov.ge,

21/07/2016, 010240030.10.003.019395) dəyişiklik edilsin və qərarla təsdiq edilmiş

qaydanın:

1. Birinci maddəsinə aşağıdakı məzmunda 3-cü və 4-cü bəndlər əlavə edilsin:

“3. Ölüm tarixindən asılı olmayaraq, xaricdə vəfat etmiş və Gürcüstanın ərazi bütövlüyü,

azadlığı və müstəqilliyi uğrunda hərbi əməliyyatlarda iştirak etmiş Gürcüstan

vətəndaşının Gürcüstana gətirilməsi xərcləri ödənilməlidir.

4. Hər iki valideyni Gürcüstan vətəndaşı və ya Gürcüstanda daimi yaşayış hüququna

malik vətəndaşlığı olmayan şəxs olduğu halda, xaricdə ölü doğulmuş uşağın Gürcüstana

gətirilməsi xərcləri ödənilməlidir.”

2. 3-cü maddənin 2-ci bəndi aşağıdakı redaksiyada verilsin:

“2. Ərizəçi ailə üzvü Gürcüstan Vergi Məcəlləsinə uyğun olaraq fiziki şəxsin əmlak vergisi

bəyannaməsinin bəyannaməçisi olduqda, Gürcüstan vətəndaşının Gürcüstana gətirilməsi

xərcləri ödənilmir. Ərizəçi tərəfindən təqdim edilmiş cari hesabat dövrü üzrə fiziki şəxsin

əmlak vergisinin illik bəyannaməsinə, belə bəyannamə olmadıqda isə əvvəlki hesabat

dövrü üzrə fiziki şəxsin əmlak vergisinin illik bəyannaməsinə əsasən fiziki şəxs və onun

ailəsi tərəfindən əldə edilmiş gəlir 100 000 laridən çox olduqda, həmin xərclər

ödənilmir.”

3. 4-cü maddənin 2-ci bəndindən sonra aşağıdakı məzmunda 2¹ bəndi əlavə edilsin:

“2¹. Xaricdə vəfat etmiş Gürcüstan vətəndaşının Gürcüstana gətirilməsi ilə bağlı ərizə ilə

müraciət edilərkən, əgər ailənin müvafiq üzvü haqqında məlumat ərizənin təqdim

edilməsindən sonra 5 iş günü müddətində əldə edilməzsə, müraciət etmək hüququ

növbə üzrə növbəti kateqoriyaya aid ailə üzvünə keçir.”

Maddə 2

Qərar dərc edildiyi andan qüvvəyə minir.

Baş nazir

Mamuka Baxtadze